Projet Gordes — Correspondance du XVIe siècle

Transcription

Monsieur, jay differé jusques à cestheure de faire responce à voz

lettres de XIe et XIIe du present attendant la resolution que

prendroyent les consulz des villes qui estoyent encores en ceste

ville despuis les estatz. Sur la coppie de la lettre que le roy

vous a escripte que je leur ay monstrée et faict entendre, et

laquelle les a grandement estonné et moy aussi. En fin

persuadée et du debvoyr et de la necessité, ilz ont estez tous

dung advis de mectre sur la parcelle cent et quinze mil

livres, oultre et par-dessus la somme de quarante mil de

livres que feust conclue à l’estat dernier d’estre mise sus la

parcelle aulx mesmes fins, assavoyr pour le faict de la guerre.

Oultre tout cela, ilz ont conclud et bailhié puissance à

monsieur le procureur du pays, à moy, et aultres commis qui

se treuveront en ceste ville, demprunter argent à quelque

interestz que ce soyt pour estre employer aulx fins que dessus.

Voyla quant à ce poinct. Monsieur le procureur du pays vous

en envoye les conclusions et particulierement d’une que feust

faicte à l’estat dernier, par laquelle il feut dict qu’on mectroyt

sur les parcelles largent quil seroyt necessaire pour payer

les garnisons que sont aulx vallées et aultres telles que

vous adviseriez. Je feiz adjouxter ce mot, sachant bien son

importance. Et parce que tout ce que se mect sur la parcelle

tumbe sur le troysieme estat (qui nen peult plus) le

moyen deumprunter sur les eysés demeure sur ses piedz,

tellement que je me doubte qu’il faudra avecq l’honnesteté

[44B]

y entremesler de la rigueur et de la force. Quant à la

noblesse, ung mot de laquelle le roy vous touche par

sa lettre. Jen parley desià à lestat dernier à ceulx qui se

trouvarent icy qui masseurarient quilz ne feroyent faulte

de se trouver là part où vous leur commanderiés. A

vous est, monsieur, den ordonner comme le temps et la

necessité le requerra. Quant à Draqui, je mestonne

comme il vous donne la peyne de mescripre, mayant

volu (s’il heust peu) interesser à mon honneur. Toutesfoys,

monsieur, pour vous monstrer de combien je vous respecte,

je ferey pour vous chose que je ne feroys pour

homme du Daulphiné tant ne soyt il parent et amy

car je le continuerey en lexercisse de son office de

secretaire, qui ma esté demandé dung infinité dhonnestes

hommes et de bon lieu. Et quil vous en remercie

hardiment, car si n’estoyt votre respect je ne le feroys pas.

Monsieur, je prie le Createur vous donner en parfaicte santé

très bonne, longue et heureuse vyue, me recommandant

bien humblement à votre bonne grace. De Grenoble,

ce XVIe mars 1574

Votre bien humble serviteur

F. d’Avanson évêque de

Grenoble

Texte diplomatique

[1] Monsieur, jay differé jusques à cestheure de faire responce à voz [2] lettres de XIe et XIIe du present attendant la resolution que [3] prendroyent les consulz des villes qui estoyent encores en ceste [4] ville despuis les estatz. Sur la coppie de la lettre que le roy [5] vous a escripte que je leur ay monstrée et faict entendre, et [6] laquelle les a grandement estonné et moy aussi. En fin [7] persuadée et du debvoyr et de la necessité, ilz ont estez tous [8] dung advis de mectre sur la parcelle cent et quinze mil [9] livres, oultre et par-dessus la somme de quarante mil de [10] livres que feust conclue à l’estat dernier d’estre mise sus la [11] parcelle aulx mesmes fins, assavoyr pour le faict de la guerre. [12] Oultre tout cela, ilz ont conclud et bailhié puissance à [13] monsieur le procureur du pays, à moy, et aultres commis qui [14] se treuveront en ceste ville, demprunter argent à quelque [15] interestz que ce soyt pour estre employer aulx fins que dessus. [16] Voyla quant à ce poinct. Monsieur le procureur du pays vous [17] en envoye les conclusions et particulierement d’une que feust [18] faicte à l’estat dernier, par laquelle il feut dict qu’on mectroyt [19] sur les parcelles largent quil seroyt necessaire pour payer [20] les garnisons que sont aulx vallées et aultres telles que [21] vous adviseriez. Je feiz adjouxter ce mot, sachant bien son [22] importance. Et parce que tout ce que se mect sur la parcelle [23] tumbe sur le troysieme estat (qui nen peult plus) le [24] moyen deumprunter sur les eysés demeure sur ses piedz, [25] tellement que je me doubte qu’il faudra avecq l’honnesteté [26] [44B] [27] y entremesler de la rigueur et de la force. Quant à la [28] noblesse, ung mot de laquelle le roy vous touche par [29] sa lettre. Jen parley desià à lestat dernier à ceulx qui se [30] trouvarent icy qui masseurarient quilz ne feroyent faulte [31] de se trouver là part où vous leur commanderiés. A [32] vous est, monsieur, den ordonner comme le temps et la [33] necessité le requerra. Quant à Draqui, je mestonne [34] comme il vous donne la peyne de mescripre, mayant [35] volu (s’il heust peu) interesser à mon honneur. Toutesfoys, [36] monsieur, pour vous monstrer de combien je vous respecte, [37] je ferey pour vous chose que je ne feroys pour [38] homme du Daulphiné tant ne soyt il parent et amy [39] car je le continuerey en lexercisse de son office de [40] secretaire, qui ma esté demandé dung infinité dhonnestes [41] hommes et de bon lieu. Et quil vous en remercie [42] hardiment, car si n’estoyt votre respect je ne le feroys pas. [43] Monsieur, je prie le Createur vous donner en parfaicte santé [44] très bonne, longue et heureuse vyue, me recommandant [45] bien humblement à votre bonne grace. De Grenoble, [46] ce XVIe mars 1574 [47] Votre bien humble serviteur [48] F. d’Avanson évêque de [49] Grenoble

Lettre:	1650
Texte:
Ligne:
logged as :	Login First

Consultation

Transcription

Texte

MetaDonnées

Laisser un signalement sur le texte